Ano Ang Global Warming 6hj47

a. Ano ang Global Warming?

Ang Pag-init ng Daigdig (o Global Warming sa Ingles) ay tumutukoy sa naranasang pagtaas ng katamtamang temperatura ng himpapawid at mga karagatan sa mundo nitong mga nakaraang dekada. Ang pagtaas ng antas ng carbon dioxide at iba pang mga greenhouse gases na resulta ng pagsunog ng produkto mula sa petrolyong langis, pagpapanot ng kagubatan, pagsasaka, at iba pang kagagawan ng tao ang mga pangunahing sanhi ng pag-init ng mundo. Sinasabing ang pagtaas sa pandaigdigang temperatura ay magdudulot ng malaking pagbabago kasama rito ang pagtaas ng karaniwang taas ng dagat at pagbabago sa dami ng mga pag-ulan. Ang mga pagbabagong ito ay sinasabing magpaparami sa dalas at lakas ng mga mapanirang kalagayan ng panahon tulad ng baha, tag-tuyot, bugso ng init (heat waves), bagyo at buhawi. Sinasabing ang pag-init ay makaaapekto sa bilang at tindi ng mga ito, Mahirap na iakibat ito sa partikular na kalagayan ng panahon sa pag-init ng mundo. May maliit na bilang na mga siyentipiko ang laban sa pananaw na ang gawa ng tao ang nagdudulot ng malaki sa pagtaas sa temperatura nitong nakaraang panahon. Gayundin, walang katiyakan ang nakapalibot rito kung gaanong kalaking pagbabago sa panahon ang makikita sa darating na araw. May mainit na debateng pampolitika at publiko kung paano mapabababa o mababaliktad ang pag-init sa darating na panahon at kung paano haharapin ang mga bunga nito. Ang katagang “global warming” (pag-init ng mundo) ay isang tiyak na dulot ng mas malawak na katagang “climate change’ (pagbabago sa klima) (na tumutukoy din sa paglamig tulad ng

nangyari noong Edad Yelo). Sa prinsipyo nito, nyutral ang global warming sa dahilan nito ngunit sa karaniwang gamit, kalimitang pinahihiwatig na may papel ang tao sa pag-init ng mundo.

b.Ano ang masasamang dulot nito sa tao? Marami at iba’t-iba ang magiging dulot ng pag-init ng mundo sa kapaligiran at sa buhay ng tao. Kasama rito ang pagtaas ng katamtamang pantay laot, dulot sa sakahan, paghupa ng ozone layer, pagtindi at pagdalas ng mga matitinding klima (extreme weather events), at pagkalat ng sakit. Epekto sa sistema sa paligid

Ang ebidensiya ng pag-init ng mundo tulad ng pag-konti ng niyebe (snow), pagtaas ng pantay laot, pagbabago ng panahon ay nagpapakita ng kahihinatnan na aapekto sa galaw ng tao gayundin sa sistema ng ating kapaligiran. Ang pag-init ng mundo ay nangangahulugan ng pagbabago sa ating paligid. May ilang halaman at hayop ang mapipilitang lumikas sa kanilang likas ng tahanan o kaya’y maglaho dahil sa pagbabagong nangyayari. Ang ibang may buhay naman ay maaring dumami

Destabilisasyon ng pag-usad ng dagat May ilang espekulasyon ng pag-init ng mundo, sa pamamagitan ng paghinto o pagbagal ng thermohaline circulation (sirkulasyong dulot ng init-alat ng dagat) ay magsisimula ng lokal na pag-lamig sa Hilagang Atlantiko na magdudulot sa paglamig o mahinang pag-init sa rehiyong ito. Lubhang maaapektohan rito ang Scandinavia at Britanya ay iniinitan ng North Atlantic drift. Mga Nagsilikas sa Pagbabago ng Kapaligiran Kahit na ang maliit na pagtaas (pantay laot) ng dagat ay magdudulot ng pagkawala ng matitirhan sa mga pasigan na magdudulot ng problema sa mga lumikas. Kapag ang pantay laot ay tumaas ng mahigit na 4 metro, halos lahat ng pasigang lunsod sa mundo ay maapektuhan na may malaking epekto sa pandaigdigan kalakalan at ekonomya. Pagkalat ng Sakit Maaring magpalaganap ang pag-init ng mundo sa mga hayop at kulisap ng nagdadala ng mga nakahahawang sakit tulad ng malarya, dilang asul na sakit mula ng mga kuto ng alagang daga na kamakailang ay kumalat sa rehiyon ng timog Mediterreno. Maisisi ito sa mabilis ng pagdami ng

mga daga at hayop na kumakain nito gayundin ang pagbagsak o pagbaba sa program sa bakuna at pagkontrol sa mga daga.

c. Ano ang nagiging sanhi ng Global Warming? Ang pangunahing sanhi ng Global Warming ay ang parami ng paraming konsentrasyon ng mga gas tulad ng Carbon dioxide, methane, nitrous oxide, chloroflourocarbons at ozone na naiipon sa atmospera. Ang mga gas na ito ay nagsisilbing makapal na balot na nagpapainit sa mundo. Ang mga gas na ito o mas kilala bilang "greenhouse gases" ay dala ng polusyon mula sa iba'tibang gawain ng tao sa mundo, gaya ng mga pagawaan (factories), at coal- mining. Isa rin sa mga dahilan ng global warming ay ang pagkasira ng mga kagubatan. D. Ano ang dapat nating gawin upang mapigilan ang tuluyang pagkasira ng ating kapaligiran?

Dapat tayong kumilos upang maayos natin ang mga suliranin sa usaping kalikasan. Magtanim tayo ng mga puno upang mabawasan ang pagbaha at mga landslide na maaaring mangyari sa mga kalbong kabundukan at para narin mabawasan ang init ng ating mundo o maiwasan ang global warming. Iwasan din nating magtapon ng mga basura sa mga yamang tubig upang makaiwas sa pagkamatay ng mga isda at para rin hindi dumumi o mamatay ang yamang tubig. Huwag din gumamit ng dinamita sa pangingisda ng hindi masira ang ating mga coral na bato. Pangalagaan natin ang kalikasan sapagkat dito rin nanggagaling ang ating mga pangangailangan lalot higit ang hangin na ating hinihinga. Ito ang ilan sa mga paraan kung papaano natin maiiwasan ang tuluyang pagkasira ng kalikasan. e. Sa paanong paraan mo mapapangalagaan ang ating kapaligiran? Sa pamamagitan ng ating simpleng paraan tulad ng tamang pagtatapon ng basura sa ating kapaligiran. Sa simpleng paraan na ito ay makakatulong tayo upang maibsan ang patuloy na paginit ng ating daigdig. Isa pang paraan ay ang pagiwas na gumamit ng mga insectisides at mga kagamitang may halong kemikal. Mapapangalagaan ko rin ang ating kapaligiran sa pamamagitan ng pagiwas na gumamit ng plastic sa araw araw na isa sa mga sanhi ng paginit ng ating kapaligiran.

f. Bilang isang magaaral ano ang magagawa mo upang mapangalagaan ang ating kapaligran?

Ang magagawa ko bilang isang magaaral upang mapangalagaan ang ating kapaligiran ay sasabihan ko sa mga kapwa kamagaral ko na ang mga bagay na patapon tulad ng mga papel,plastic,at mga balat ng kendi na itapon sa angkop nitong basurahan. Ang mga papel,plastic ay maaaring may masamang dulot na mga sakit na maaaring lumala. Sisimulan ko ito sa aking sarili ang disiplina sa tamang pagtatapon. Magtatanim din ako ng mga puno`t halaman upang may maitulong ako sa ating kapaligiran. g. kaninong responsabilidad ba ang pagpapanatili ng pangangalaga sa ating kapaligiran? Lahat ng tao ay mayroong responsabilidad at tungkulin sa pangangalaga sa kapaligiran bilang isang mamamayan na naninirahan sa mundong ito na ang tungkulin ay protektahan mula sa pagkasira at tuluyang pagkawasak ng ating paligid. Responsabilidad nating lahat na ayusin at pangalagaan nang mabuti sa pamamagitan ng mga gawaing makakatulong hindi lamang sa ating paligid kundi pati narin sa ating mga sarili. Maisasaayos natin itong lahat kung magtutulungan tayo sa isat isa bilang mga taong may malasakit sa ating paligid. Bilang isang Pilipino tungkulin ko na mapangalagaan ang kapaligiran .Maraming paraan para mapangalagaan ang kapaligiran. Mahalagang mapanatiling malinis ang ating kapaligiran dahil dito nakasalalay ang ating kalusugan.Ang mapanatiling malinis ang ating kapaligiran ay isang mahalagang bagay dahil dito natin masasabing umunlad ang ating lugar. h. magbigay ng mga halimbawa ng mga gawaing nakakasira sa ating kapaligiran? Maraming mga Gawain ang nakakasira sa ating kapaligiran tulad ng paggamit ng dinamita sa dagat,pagkakaingin,pagpuputol ng mga puno,pagmimina na nakakaapekto sa pagguho ng lupa,pagsusunog ng mga plastic na nakakaapekto sa global warming,paghuhuli ng mga hayop na malapit nang maubos,pagtatapon ng basura kung saan saan lang lalo na sa mga yamang tubig,paggamit ng mga kemikal na may malaking epekto sa polusyon,at marami pang iba. I .paano ito masusulosyunan? Maraming pwedeng gawin para hindi ito mangyari ulit. Tulad ng pag ‘segregate’ ng mga basura, ang hindi pag tapon kung saan – saan, at marami pang iba na makakatulong sa atin. Madadali lang naman ang mga pwedeng gawin para hindi magkaroon ng mga kalamidad. Simple lamang ito at hindi ka gaanong mahihirapan. Malaking tulong na rin ang mabibigay mo kung mag tatanin ka ng mga puno. Ito ay isang paraan para hindi magkaroon ng baha. Maraming mga madadaling paraan kung paano alagaan ang kapaligiran. Marami ding mga madadaling paraan kung paano

maresolba at mapabawas sa epekto ang climate change. Dapat tayong matuto sa mga karanasan na masamang nangyari sa atin para hindi ito muling mauulit. Linisin ang kapaligiran, mag ‘segregate’, gamitin ang 5 Rr’s at mag tipid ng kuryente. Mag tulung-tulungan tayong lahat. j. ano ang maipapayo nyo sa ibang mga tao sa kapwa ninyo kamagaral tungkol sa pangangalaga sa ating kapaligiran? Ang maipapayo ko sa mga kapwa ko mag aaral ay ang maging responsible at disiplinado sa kanilang ginagawa hinggil sa pangangalaga sa kalikasan. Sasabihin ko sa kanila ang tamang paraan ng pangangalaga sa ating kapaligiran tulad ng paglilinis ng bahay at ng classroom upang mapanatili ang kaayusan nito. Ang maipapayo ko rin sa kanila ay matuto silang magsegregate ng mga basurang kanilang itinatapon upang makaiwas sa pagkasira sa kalikasan. Aguada elementary school Magallanes,Sorsogon S.Y. 2015-2016

Research paper

(GLOBAL WARMING)

Ipinasa nina: Marjorie M. Gredona John mark G. Agnote

ipinasa kay: Mrs. Elvira D. Lovendino