Mga Malalaking Pangkat Etniko 5h421u

Mga Malalaking Pangkat Etniko Sa Luzon 1. Mga Tagalog Ayon sa sensus noong taong 2000, ang mga Tagalog ang pinakamalaking pangkat etniko sa Pilipinas. Umaabot sa 16,054,000 ang kabuuang bilang ng mga Tagalog. Matatagpuan sila sa mga lalawigan ng Bulaca, Nueba Ecija, Quezon, Aurora, Palawan, Oriental Mindora, Occidental Mindoro, Romblon, Marinduque, Cavite, Rizal, Laguna, Batangas, Metro Manila, Bataan, at Zambales. Ang mga Tagalog ang mga umaani ng pinakamaraming palay o bigas sa buong bansa taon-taon. Kilala sa katalinuhan ang pangkat na ito. Likas silang masayahin at kilala sa mahigpit na pagkaakbuklod-buklod ng kanilang pamilya. Bahagi ng kanilang kultura ang mga awiting bayan tulad ng O Ilaw, Leron Leron Sinta, at Magtanim ay Di Biro. Ilan sa mga prominenteng Pilipino na nagmula sa pangkat etnikong Tagalog ay sina Jose Rizal, Andres Bonifacio, Manuel L. Quezon, Tandang Sora, Francsco Balagtas, at Amado V. Hernandez. 2. Mga Ilokano Ang mga Ilokano ang bumubuo ng ikatlong pinakamalaking pangkat etniko sa Pilipinas. Batay sa sensus ng taong 2000, may bilang na 5,915,000 ang mga Ilokano. Kilala ang mga taong ito sa pagiging matipid, mahilog sa pakikipagsapalaran (adbenturero), at labis na pagmamahal sa rehiyon na kanilang pinagmulan (regionalistic). Ang mga katangi-tanging pag-uugaling ito ng mga Ilokano ay dulot ng kanilang pag-uugma ng sarili sa kanilang kapaligiran. Pangunahing produkto nila ang tabako. Mahusay din sila sa paggawa ng bagoong at burnay. Ipinagmamalaki ng mga Ilokano ang ilan sa mga pinakamahuhusay nilang kababayan na nakilala hindi lamang sa Pilipinas kundi maging sa buong daigdig. Ang ilan sa mga ito ay sina Diego at Gabirela Silang, Ferdinand Marcos, Fidel Ramos, ang iginagalang na artista na si Gloria Romero, at ang kauna-unahang Miss Universe ng Pilipinas na si Gloria Diaz. Bahagi na ng mayamang kultura ng mga Ilokano ang mga pagkaing dinengdeng at tupig, ang epikong Biag ni Lam-ang, at ang nga awiting Pamulinawen, Manang Biday, at ang Ti Ayat Ti May Sa Nga Ubing. Matatagpuan nag mga Ilokano sa mga lalawigan ng Ilokos Norte, Ilocos Sur, Isabela, Cagayan, Abra, La Union, Mt. Province, Pangasinan, Kalinga, Apayao, Benguet, Nueva Vizcaya, at Quirino. 3. Mga Bikolano Nasa ikalimang puwesto ang mga Bikolano sa talaan ng gma pangunahing pangkat etniko sa Pilipinas kung pagbabatayan ang populasyon. Umaabot sa 4,469,000 abh bilang ng mga Bikolano ayon sa sensus ng taong 2000. Lupain ng mga Bikolano ang mga lalawigang bumubuo sa Rehiyon V tulad ng Albay, Camarines Norte, Camarines Sur, Catanduanes, Mawsbate at Sorsogon.

Ang mga Bikolano ang pinakarelihiyosong pangkat etniko sa bansa. Mahilig sila sa mga pagkaing may sili at gata. Ipinagmamalaki rin nila ang abaka at pili bilang mga pangunahing produkto ng kanilang rehiyon. Marami ring mga magagandang tanawin ang matatagpuan sa lupain ng mga Bikolano. Isa na rito ang Bulkang Mayon ng Albay na kinikilala bilang World’s Most Perfect Cone. Ang Sarung Banggi, na isang awiting bayan, ay bahagi na ng mayamang kulturan ng mga Bikolano. Ang mga bayaning sina Vicente Lucban at Wenceslao Q. Vinsons ay mga pinagpipitanganang Bikolano. Ang dating senador at Kalihim ng Kagawaran ng Edukasyon na si Raul Roco, ang bumago sa dating pamantayan ng pag-aartista sa Pilipinas na si Nora Aunor, at ang nagwaging “4th Runner Up” ng 2010 Miss Universe Pageant na si Maria Venus Raj, ay tatlo sa napakaraming prominenteng Bikolano sa bansa. 4. Mga Kapampangan Matatagpuan ang mga Kapampangan sa lalawigan ng Pampanga at ilang bahagi ng Tarlac at Nueva Ecija. Mahusay manumit ang mga Kapampangan. Katunayan nito ang pamamayagpag ng maraming Kapampangan sa larangan ng pagmomodelo. Likas din ang kagalingan ng mga Kapampangan sa pagnenegosyo, pagluluto, at pag—uukit ng iba’t ibang disenyo sa mga muwebles tulad ng sopa, mesa, aparador, at silya. Dahil sa pananatili ng Clark Air Base nang mahabang panahon sa laalwigan ng Pampanga, nahilig sa paggamit at pagkain ng mga produktong imported ang mga Kapampangan. Ang Atin Cu Pung Singsing, na awiting bayan ng mga taga-Pampanga, ay inaawit pa maging ng mga kabataan ngayon. Hindi maitatatuwang ito’y bahagi na ng kulturang Pilipino. Apat sa mga naging pangulo ng Pilipinas ay pawing mga Kapampangan. Ito ay sina Diosdado Macapagal, Corazon C. Aquino, Gloria M. Arroyo, at Benigno Aquino III.

Sa Visayas 1. Mga Cebuano Ang mga Cebuano ang dating pangunahing pangkat etniko ng Pilipinas. Sa ngayon, ayon sa kinuhang sensus noong taong 2000, ang mga Cebuano ay nasa ikalawang puwesto na lamang at may kabuuang bilang ng populasyon na 15,151,000. Matatagpuan ang mga Cebuano sa mga lalawigan ng Cebu, Bohol, Negros Oriental, Siquijor, at ilang lalawigan sa Mindanao. Ipinagmaamlaki ng mga Cebuano, lalo na yaong mga lehitimong tagaCebu, ang mahalagang bahagi na ginampanan nila sa kasaysayan ng Pilipinas at ang katotohanang halos kapantay nila sa kaunlaran nag Metro Manila. Mahilig sa kasaysayan nag mga Cebuano. Bahagi na nag buhay nila ang pag-awit sa saliw ng mga magaganda at mahuhusay na gitara na sila rin ang gumagawa. Sian dating Pangulong Sergio Osmeña Sr. at Carlos P. Garcia ay ilan lamang sa napakaraming

prominenteng tao ng pangkat etnikong Cebuano. Cebuano rin ang santong si Pedro Calungsod. 2. Mga Ilonggo Ang mga Ilonggo ang ikaapat sa pinakamalaking pangkat etniko sa Pilipinas. Ang kanilang populasyon ay umaabot sa 5,648,000 ayon sa sensus ng taong 2000. Sila ay matatagpuan sa maga lalawigan ng Aklan, Antique, Capiz, Guimaras, Iloilo, at Negros Occidental. Kilala ang mga Ilonggo sa pagiging mahinahon at malumanay sa pagsasalita. Malambing at magiliw nilang tinatanggap ang kanilang mga nagiging panauhin. Kilala rin sila sa tawag na Hiligaynon. Ang dating pangulong Manue Roxas ay ipinagmamalaki ng mga Ilonggo. 3. Mga Waray Nasa ikapitong puwesto ang maga Waray sa talaan ng mga pangunahing pangkat etniko sa Pilipinas. Binubuo ang pangkat ng may 2,243,000 na katao. Balwarte ng mga Waray ang mga lalawigang Biliran, Silangang Samar, Hilagang Samar, Kanlurang Samar, at Leyte. Kilala ang mga Waray sa pagkakaroon ng magandang pananaw sa buhay. Higit nilang pinahahalagahan ang kasalukuyan kaysa sa hinaharap o nakaraan. Bahagi na ng kulturang Waray ang awiting Lubi-Lubi. Isa sa kilalang anak ng Waray ay si Imelda R. Marcos na dating Unang Ginang ng Bansa at naging gobernador ng National Capital Region (NCR). Mahalaga sa mga Waray ang paglalamay sa patay dahil naniniwal sila sa kabilang buhay. Sa panahon ng pagluluksa, isinasagawa nila ang larao – isang paraan ng pag-aayuno. Sa panahon ng larao, kumakain lamang sila ng kaunting gulay at nagsusuot ng puting damit. Ginugupit din nila ang kanilang buhok at pilik-mata.

Sa Mindanao 1. Muslim Ang Muslim ang pinakamalaking pangkat ng mga di-Kristiyanong Pilipino. Kabilang sa pangkat na ito ang Jama Mapun, Tausug, Yakan, Marano, Badjao, Samal, Bagobo, at ang Maguindanaon. Itinuturing na pinakamatapang sa lahat ng mga pangkat etniko ang mga Muslim sapagkat nabigo ang lahat ng mga dayuhan na sila ay masakop. Katangi-tangi ang kulturang Muslim na wari’y di binago ng makabagong panahon. Ipinagmamapuri rin nila nag kanilang relihiyong Islam. Matatagpuan ang mga Muslim sa halos lahat ng bahagi ng Mindanao at sa piling lugar ng Visayas at Luzon. Kahirapan at kaligatasan ng buhay ang pangunahing dahilan kung bakit nilisan ng ilang Muslim ang Mindanao at namuhay sa ibang lugar tulad

ng Quiapo sa Lungsod ng Maynila.

Mga Maliliit na Pangkat Etniko (Minoryang Kultural) Ang mga maliliit na pangkat etniko ay tinatawag ding minoryang kultural. Ang mga pangkat na ito ay karaniwang matatagpuan sa mga malalayong lalawigan at mga liblib na pook. Maraming malilit na pangkat etniko ang makikita sa iba’t ibahang bahagi ng Pinas ngayon subalit sila ay maliit na bahagi lamang ng kabuuang populasyon ng bansa.

Sa Luzon 1. Mga Negrito Matatagpuan sa halos lahat ng panig ng Pilipinas ang mga Negrito ngunit higit ang bilang nila sa Luzon. Tinatawag na Ita o Ayta ang mga Negrito sa Luzon, Ati sa Visayas, at Mamanua sa Mindanao. Ang iba pang mga katawagan sa Negrito ay Ibuked – mga Negritong nakatira sa mga lugar na malayo sa kapatagan; Ugsig sa lalawigan ng Cagayan; Dumagat sa mga lalawigan ng Bulacan, Quezon at Rizal; at Batak sa Palawan. Naglaho na nag mga katutubong wika ng Negrito dahil sa pakikisalamuha nila sa mga taka-kapatagan. Nanatiling pangangaso, pangingisda at pangangalap ng bungangkahoy ang pangunahing paraan ng paghahanap ng pagkain ng mga Negrito. Ang mga Negrito ng Pinatubo at ang mga Ibuked ay may labis na pagkahilig sa pagkain ng pulot. Ito, para sa kanila, ang pinaka-espesyal sa lahat ng pagkain. Kumakain di ng umok (maliliit na pukyutan) at latak (pollen) na parehong nakukuha sa bahay-pukyutan ang mga Negrito sa Pinatubo. Labis ang pagpapahalaga ng mga Negrito sa kanilang pamilya. Ito ang pangunahing yunit ng kanilang lipunan. Ang mga anak ng Negrito ay pinagkakalooban ng kanilang mga magulang ng pantay na karapatan. Mahigpit din ang pag-uugnayan ng mga magulang at anak. Mahigpit na ipinagbabawal sa mga Negrito ang pagkakaroon ng higit pa sa iisang asawa. Bawal din sa kanila ang pagpapakasal sa malapit na kamag-anak. Datapwat sa mga Negrito ng Pinatubo, maaaring magpakasal sa isang malapit na kamag-anak pagkatapos isagawa ang isang ritwal na tinatawag nilang paghihiwalay ng dugo. Simple lamang ang sistemang pulitikal ng mga Negrito. Ang pinakamatanda sa kanila ang itinuturing nilang pinuno. Ang mga matatanda rin ang nagpapanatili ng katahimikan at kapayapaan sa pamayanan. Ang kanilang mga bata s ay nabuo mula sa mga tradisyong minana pa nila sa kanilang mga ninuno. May pagpapahalaga at paggalang ang mga Negrito sa kalikasan. Ito ay dahil sa paniniwala nilang may mga taglay na espiritu ang lahat ng bagay sa paligid. 2. Mga Tinguian

Naninirahan sa lalawigan ng Abra ang mga Tinguian. Sila ay nagtatanim ng palay sa mga kapatagan at sa mga baytang-baytang na palayan. Mahilig sila sa pagtatatu at paggamit ng mga kalumbiga o palamuti sa katawan. Iniitiman nila ang kanilang ngipin upang akitin ang babae o lalaking naiibigan. Krimen para sa pangkat na ito ang kataksilan. Pinagmumulta ang sinumang mahuling nagtataksil. Gayunpaman, kung kusa ang paghihiwalay ng mag-asawa, walang anumang multang ipapataw. Ang mga Tinguian ay naninirahan sa mga kubong yari sa kawayan na nasa lupa kapag araw. Samantala, nananatili sila sa kanilang mga tahanan sa itaas ng puno kung gabi. 3. Mga Tagbanua Matatagpuan ang pangkat etnikong Tagbanua sa lalawigan ng Palawan. Pinaniniwalang nagmula sila sa Indonesia dahil medyo malaki sila at may matipunong pangagatawan.